နောင်ချိုတွင် ဒေသခံတစ်ဦး မြေမြှေုပ်မိုင်းနင်းမိပြီး ခြေထောက်နှစ်ဖက်တွင် ပြင်းထန်စွာ ဒဏ်ရာရရှိခဲ့

နောင်ချိုတွင် ဒေသခံတစ်ဦး မြေမြှေုပ်မိုင်းနင်းမိပြီး ခြေထောက်နှစ်ဖက်တွင် ပြင်းထန်စွာ ဒဏ်ရာရရှိခဲ့၂၀ ရက် ဇန်နဝါရီလ ၂၀၂၆ ခုနှစ် ရှမ်းမြောက် အကြမ်းဖက်စစ်ကောင်စီ ထိန်းချုပ်ထားသည့် နောင်ချိုမြို့နယ် ပန်ဟတ်ရပ်ကွက်တွင် နေထိုင်သည့်အမျိုးသားတစ်ဦးသည် မြေမြှုပ်မိုင်းနင်းမိပြီး ခြေထောက်နှစ်ဖက်တွင် ပြင်းထန်စွာ ဒဏ်ရာရရှိခဲ့သည်ဟု သိရှိရပါသည်။ ဖြစ်စဉ်တွင် ပြီးခဲ့သည့် နိုဝင်ဘာလ ၁၅ ရက် ၂၀၂၅ ခုနှစ် နံနက်ပိုင်း ၉ နာရီအချိန်တွင် ပန်းရံအလုပ်သွားရာမှတောင်ရှည်ကျေးရွာနှင့် ပန်ဟတ်ကျေးရွာတို့ကြားတွင် မြေမြှုပ်မိုင်း နင်းမိခဲ့ခြင်း ဖြစ်ပါသည်။ “အလုပ်သွားနေတာ မိုင်းရှိမှန်းမသိဘူး။ တောင်ရှည်ရွာအနား ဒုဌဝတီမြစ်နားလေးမှာ မိုင်းနင်းမိတယ်။ မိုင်းက မြေမြှုပ်မိုင်းပါ။ ခြေထောက်နှစ်ဖက်စလုံး ဒဏ်ရာရတယ်။ ဘယ်ခြေထောက်ကို ပေါင်းရင်းနားအထိ ဖြတ်ရတယ်။ဘယ်ဘက်ပေါင်နဲ့ ခြေကောက်ဝတ်နားမှာပဲထိတယ်။ ဒဏ်ရာ မသက်သာသေးလို့ အခုချိန်ထိဆေးကုသနေရပါ ” ဟုကာယကံရှင်ဖြစ်သူမှ ပြောပါသည်။ ၎င်းသည် ပြင်ဦးလွင်စစ်ဆေးရုံတွင် ယနေ့အထိ ဆေးကုသမှုခံယူလျက်ရှိပြီး ၄၂ နှစ်အရွယ်ရှိ ဦးတင်ဦး ဖြစ်ပြီးဆေးကုသစရိတ်အခက်အခဲရှိနေသည်ဟုလည်း ကာယကံရှင်ထံ သိရှိရပါသည်။