မိုင်းပေါက်ကွဲမူကြောင့် ရွာသူ(၄)ဦး ထိခိုက်ဒဏ်ရာရပြီး ဆေးကုသမှုခံယူ

ယနေ့နံနက်၉နာရီအချိန် နမ့်ဆန်မြို့နယ်၊မန်ကန်ရွာရှိဒေါ်အေးအုံ၏လက်ဖက်ခြံတွင် မိုင်းပေါက်ကွဲမှုဖြစ်ပွါးမှု ကြောင့် ရွာသူ ၄ဦးထိခိုက်ဒဏ်ရာရရှိသဖြင့် လားရှိုးဆေးရုံသို့ဆေးကုသရန် လာနေကြောင်းသိရသည်။

ထိခိုက်ဒဏ်ရာရသောရွာသူများမှာ ဒေါ်အေးဟန် အသက်(၃၀)၊ ဒေါ်အေးအုံ အသက်(၅၀)၊ မဇင်မာဝင်း အသက်(၁၄)၊ မနန်းထွေးအသက်(၂၀) တို့ဖြစ်ကြပြီး ၄င်းတို့၄ဦးစလုံးသည် လက်ဖက်ခူးရန် သွားကြသည့် ရွာသူများဖြစ်သည်။

မန်ကန်ရွာ ဦးဇင်းတစ်ပါးမိန့်ကြာသည်မှာ ” ဒေါ်အေးအုန်နဲ့ ဒေါ်အေးဟန် ကတော့ ဒဏ်ရာတော်တော်များတယ်၊ ရင်ဘတ်မှာထိတယ်၊ ကျန်တဲ့နှစ်ယောက်က ဒဏ်ရာအဲ့လောက်သိပ်မများဘူး၊ ဖြစ်ဖြစ်ချင်းမှာ သူတို့အိမ်ကို ဖုန်းလှမ်းခေါ်တယ်၊ နမ့်ဆန်ဆေးရုံတက်တယ်၊ ဒဏ်ရာပြင်းထန်တဲ့အတွက် လားရိူးတက်သွားပြီးလို့” မိန့်ကြားခဲ့သည်။

မည်သည့်အဖွဲ့ထောင်ထားသည့် မိုင်းဖြစ်သည်ကို မည်သူမျှမသိပါ။ သို့သော် လွန်ခဲ့သော ၃ရက်နေ့တွင် မြန်မာ့တပ်မတော်စစ်ကြောင်းသည် စခန်းသာရွာအတွင်း လှုပ်ရှားလျက် ရှိနေသည်ဟုသိရသည်။

မေလ ၁၂ရက်၊ ၂၀၁၈ခုနှစ်

မှတ်တမ်းနှင့် သုတေသနဌာန
တအာင်းအမျိုးသမီးအဖွဲ့အစည်း