သီပေါတွင် ထင်ခွေသွားသည့်အမျိုးသားတစ်ဦး မိုင်းနင်းမိပြီး ခြေထောက်မှာပြင်းထန်ဒဏ်ရာရ
ရှမ်း/မြောက် တအာင်းတပ်မတော်(TNLA) ထိန်းချုပ်ထားသည့် သီပေါမြို့နယ်တွင် ဒေသခံ အမျိုးသားတစ်ဦးမှ ထင်သွားခွေရာကနေ မြေမြှုပ်မိုင်းနင်းမိပြီး ညာခြေထောက်တွင် ပြင်းထန်ဒဏ်ရာ ရရှိခဲဲ့သည်။
ဖြစ်စဉ်တွင် မနေ့ မေလ ၇ ရက် နေ့လယ် ၁၂ နာရီခွဲအချိန်တွင် သီပေါမြို့နယ် အကြမ်းဖက်စစ်ကောင်စီ၏ တပ်စခန်းဟောင်းဖြစ်သည့် ခလရ (၂၃) တပ်စခန်းတွင် ထင်းခွေသွားရာမှ မိုင်းနင်းမိခဲ့ခြင်းဖြစ်ပါသည်။
ဒီဖြစ်စဥ်သိရှိသူအမျိုးသမီးတစ်ဦးမှ “သူ့က ထင်းသွားခွေရင်းနဲ့ လမ်းမှားပြီး ၂၃ တပ်ရောက်သွားတယ်၊ တပ်ထဲမှာ မိုင်းထိတာ၊ သူ့ခြေထောက် ညာခြေကျင့်ဝတ်အထိ ပြတ်ထွက်သွားတယ်၊ သူ့မိန်းမရှိတယ်၊ ကလေးလဲရှိတယ်၊ သူ့မိဘတော့မရှိတော့ဘူး၊ အခုအဲ့လူနာကိုတော့ အခြားမြို့ကိုလွှဲပြောင်းသွားတယ်” ဆိုပါသည်။
အဆိုပါမိုင်းထိသည့် အမျိုးသားသည် ကုန်းစုံရွာနေ အသက် ၃၂ နှစ်အရွယ် ဦးအိုက်လောဝ်ဆိုသူ ဖြစ်ပြီး လက်ရှိမှာတော့ သိန္နီဆေးရုံတွင် ဆေးကုသမှုခံယူနေလျက်ရှိကြောင်း သိရှိရပါသည်။
လွန်ခဲ့သော ဧပြီလ ၁၆ ရက်နေ့ ညနေ ၆ နာရီဝန်းကျင်တွင် အသက် ၅၀ နှစ်အရွယ် ကိုထွန်းထွန်းဆိုသူသည်လည်း လမ်းမကြီးပေါ်မှတစ်ဆင့် အကြမ်းဖက်စစ်ကောင်စီ၏ တပ်စခန်းဟောင်းဖြစ်သည့် (၂၃) တပ်အတွင်းသို့ ငှက်လှမ်းပစ်ရာကနေ မိုင်းနင်းမိခဲ့သည့် ဖြစ်စဥ်ပွားခဲ့ပါသည်။
