လုံခြုံမှုကင်းမဲ့သော ဘဝများ

တအာင်းအမျိုးသမီးအဖွဲ့အစည်းသည် “လုံခြုံမှုကင်းမဲ့သော ဘဝများ” (Lives in the absence of Safety) ဟု အမည်ပေးထားသော အစီရင်တစ်စောင်ကို ထုတ်ပြန်လိုက်ပါသည်။ ဤအစီရင်ခံစာသည် အကြမ်းဖက်စစ်ကောင်စီမှ ၂၀၂၁ ခုနှစ် ဖေဖော်ဝါရီလ ၁ ရက်နေ့ အာဏာသိမ်းပြီးနောက်ပိုင်း မှ ၂၀၂၄ ခုနှစ်အထိ ရှမ်းပြည်နယ်မြောက်ပိုင်းတွင် ကျူးလွန်ချိုးဖောက်ခဲ့သည့် လူ့အခွင့်အရေးချိုးဖောက်မှုများကို ဝန်ထမ်းများမှ ကွင်းဆင်းကောက်ခံပြုစုပြီး မှတ်တမ်းတင်ပြုစုထားသည့် အစီရင်ခံစာဖြစ်ပါသည်။
အစီရင်ခံစာတွင် လူ့အခွင့်အရေးချိုးဖောက်မှုများ အခြေအနေ၊ အာဏာမသိမ်းခင်နှင့် အာဏာသိမ်းပြီးနောက်ပိုင်း တအာင်းဒေသအခြေအနေ၊ အာဏာသိမ်းပြီးသည့်နောက် အဖက်ဖက်မှ လူမှုဘဝချွတ်ခြုံကျဆင်းလာမှု အခြေအနေ၊ ၁၀၂၇ စစ်ဆင်ရေးကာလတွင် လေကြောင်းဖြင့် လူထုများဦးတည် ဗုံးကြဲသတ်ဖြတ်ခဲ့ခြင်းများ အခြေအနေ၊ စစ်ဘေးရှောင်ပြည်သူ၏ ဘဝအခြေအနေ၊ ပြန်လည်ထူထောင်ရေးတွင် အကူအညီပေးနေမှု အခြေအနေများအပြင် တော်လှန်ရေးအဖွဲ့အစည်းများ အုပ်ချုပ်သည့်နောက် တွေ့ရှိချက်နှင့် အခြေအနေများကို မီးမှောင်းထိုးပြထားပါသည်။